Alex Ragazzini – Inframondo

(Suite di versi romagnoli per voce recitante in quattro movimenti: esposizione, interludio, ripresa e coda)

I

E’ fiór d’ lona
cun la sunêda d’Bach
dri i fiur d’mintàstar,
o i campanel de’ paradiṣ
lòngh stra al câṁbar da ẓnê
stra l’ôr dla veta
la séra ch’l’è pasêda la nöt
a l’êria di sogn,
’na córsa ch’la toca i rem dj élbar
e j oc de’ campê cun e’ ciamê
l’êria de’ sogn,
e al viôlaciöca dl’ânẓul
e i fiur int e’ prem fresch dla séra,
stra al magnôli
calé ẓo da i ẓarden cun l’udór dal rôṣ,
i ẓugh cun e’ vezi d’farena
int al boch ch’al scor
a l’êria dal candél a la nöt,
e stra al ciàcar ch’al rôṣga
la tegna cuṣida int al foi dl’amlôr,
i mulnel ch’i s’abṣena da tot i chent
s’i sona i pidarsul sambédgh
pissi pissi pissi pissi,[1]
e e’ vent l’artira gnicôsa, i rez
d’un fat ad fiur,
al boch d’bot dla lona
a l’udór dal viôl,
e agli òmbri agli è sól un tarmulê dal foi,
al mélarânzi ṣbuzêdi d’ôr cêr int la luṣ dla Piöpa
artôrta pr e’ vent dla staṣon dl’istê
int i dè ch’i bëca cun i capel,

e i suriṣ int un barbai d’luṣ
l’êria ch’la gozla j oc di pen,
al pignati d’acva chêlda
cun e’ mònd sech int al ven di fiur,

i fiur di castrachen
in do ch’al sona al campâṅ
un pér d’bëfi

de’ zil
cun j òman ch’i scor
ins e’ bëch di sogn
cun l’udór de’ dólz.

E l’utòbar chêld par temp
fìrum, pistènd i pi al gâṁb
al s’è impaluridi,
un arapês da invulês a e’ zil,
al tròmb d’arẓent
ins al nùval ch’al s’è nascösti int i cavel
e ch’an al vô dê ment,
e l’ânẓul pusês ins e’ sulaz de’ mònd
l’ânẓul da la ciàcra ch’e’ scor
e’ scor e’ scor e ch’u n’fnes mai
cun la tròmba ch’la sona
d’int ’na góla ch’u n’è mai ’sota,
bichènd la lona ch’la j è fata cumpâgna e’ mònd,
e e’ piânẓar dla pasion
prema dl’óra bona dla matena
sot’a e’ vent de’ pas
cvâṅt ch’al tórna
al foi ch’al bat
i pianafurt s’i sona a boca avérta
e’ temp int un pirulê de’ mònd.

E la ven int e’ mëẓ de’ dè
l’óra di ẓugh
s’e’ ṣgrafegna e’ côr e’ mëẓ de’ mònd
e’ fiór aṣérb,
e a dgen che i favur
j è ẓa murt i fiur
e e’ cantê dal bël cantêdi
a i prem fiur nuv,
e la staṣon ch’la s’è fata piò chêlda
e’ sól ch’u s’arciapa cvâṅd che al speṅ
an al taia al dida,
e e’ temp che on dri cl’êtar i fiur
i chësca par tëra,
e l’êria l’a s’è fata piò alẓira,
e e’ piôv ins al vet dal Piöpi
i stùran ch’a carden,
s’i góza i fiur
al vóṣ int la luṣ dl’istê ch’la s’ṣmôrta
d’ôr contra un’êria de’ zil,

e i cres i ẓarmoi, al nùval
agli à bagnê l’intai, stra al piânt
al foi ch’al bëca al dida biânchi
al mân ch’al borga int e’ vérd incóra
e ch’an al trôva,

se un cvicadon l’à fat la ṣmenta
la filadélfia la j è fiurida,
i ẓarmoi j à furê, e al foi
al s’aṣgrâṅda, sèmpar d’piò

e un cvicadon u s’è fat d’arnôv,
d’cô l’à arcminzê d’pösta,
e al viôl al dà fura
e al s’aṣlònga vers a l’êlta.

 

[1] notazione che indica un parlottare sottovoce

 

Il fiore di luna / con la sonata di Bach / vicino ai fiori del mentastro, / o i campanelli del paradiso / lungo tra le camere da cena / tra l’oro della vetta / la sera che è passata la notte / all’aria dei sogni, / una corsa che tocca i rami degli alberi / e gli occhi del campare con il chiamare / l’aria del sogno, / e le violacciocche dell’angelo / e i fiori al primo fresco della sera, / tra le magnolie / scesi dai giardini con l’odore delle rose, / i giochi con il vizio di farina / nelle bocche che dicono / all’aria delle candele la notte, / e tra le chiacchiere che graffino / la tignola cucita nelle foglie dell’alloro, / i mulinelli che s’avvicinano da ogni lato / se suonano il prezzemolo selvatico, / pissi pissi pissi pissi, / il vento che ritira ogni cosa, i ricci / di un fatto di fiori, / le bocche di botti di luna / con l’odore delle viole, / e le ombre che sono solo un tremolare delle foglie, / le melarance sbucciate d’oro chiaro nella luce della Pioppa / torta per il vento delle stagioni d’estate / nei giorni che pungono con i cappelli, // e i sorrisi in un abbaglio di luce / l’aria che goccia gli occhi dei pini, / le pentole d’acqua calda / con il mondo secco nelle vene dei fiori, // i fiori del tarassaco / dove suonano le campane / un paio di baffi / del cielo / con gli uomini che parlano / sul becco dei sogni / con l’odore del dolce. // E l’ottobre caldo in tempo / fermi, pestando i piedi le gambe / si sono intirizzite, / un arrampicarsi da salita al cielo, / le trombe d’argento / sulle nuvole che si sono nascoste nei capelli / e che non vogliono ascoltare ragione, / e l’angelo posarsi sul godimento del mondo / l’angelo dalla favella che parla / parla, parla, e non finisce mai / con la tromba che suona / da una gola che non è mai asciutta, / beccando la luna che è fatta come il mondo, / e il piangere dell’amore / prima dell’ora beata del mattino / sotto al vento da passo / quando tornano / le foglie che battono / i pianoforti se suonano a bocca aperta / il tempo in un girare del mondo. // E viene nella metà del giorno / l’ora dei giochi / se graffia il cuore il mezzo del mondo, / il fiore acerbo, / e così diciamo che i favori / sono già morti i fiori / i canti delle belle canzoni / ai primi fiori nuovi, / e la stagione che si è fatta più calda / il sole che si ravviva quando le spine / non pungono le dita, / e con il tempo che uno dopo l’altro i fiori / fa cadere a terra, / e l’aria che s’è fatta più leggera, / e piove sulle cime delle Pioppe / gli storni che crediamo / se gocciano i fiori / le voci nella luce dell’estate che si chiude / d’oro contro un’aria del cielo, // e crescono i germogli, le nuvole / hanno bagnato l’innesto, tra le piante / e crescono i germogli, le nuvole / hanno bagnato l’innesto, tra le piante / le foglie che pungono le dita bianche / le mani che cercano nel verde ancora / e che non trovano, // se qualcuno ha coltivato la semenza / e il fior d’angelo è fiorito, / e i germogli hanno forato, e le foglie / sono più grandi, ogni volta di più // e qualcuno si è fatto di nuovo, / dal fondo ha ricominciato del tutto, / e le viole forano la terra / e s’alzano verso l’alto.